Back دوتش غراموفون Arabic Дойче Грамофон Bulgarian Deutsche Grammophon Catalan Deutsche Grammophon Czech Deutsche Grammophon Danish Deutsche Grammophon German Deutsche Grammophon Greek Deutsche Grammophon English Deutsche Grammophon Esperanto Deutsche Grammophon Spanish
Deutsche Grammophon (DGG) is tans die oudste plaatetiket ter wêreld wat in klassieke musiekopnames spesialiseer. Dit is oorspronklik op 6 Desember 1898 deur twee broers, Emil en Josef Berliner, in Hannover as Deutsche Grammophon-Gesellschaft (DGG) gestig.[1] In die 20ste eeu het die onderneming met sy langspelers van hoë klankgehalte, wat deur bekende orkesters en musici opgeneem is, die wêreldleier geword op die mark vir klassieke musiek.
1972 het DGG saamgesmelt met PolyGram wat op sy beurt in 1998 deur die Universal Music Group (UMG) oorgeneem is. In 2000 het UMG se eienaar, The Seagram Company Ltd., sy belange in die Universal Music-houermaatskappy aan die Franse media-onderneming Vivendi verkoop. As plate-etiket in besit van UMG bestaan Deutsche Grammophon steeds. Die etiket het sy setel in die Berlynse stadsdeel Friedrichshain.